Hafið

Þemavikan hjá yngri krökkunum hefur gengið frábærlega.

Nemendurnir eru mjög áhugasamir og skemmtilegir við vinnu sína á ferkum sem tengjast þemanu okkar í ár, hafið.

Mikið af listaverkum eftir nemendurna eru komin fram á ganga til sýnis og enn er meira á leiðinni. Rosalega gaman að fylgjast með þeim hafa svona gaman af þessu og sjá hvað krakkarnir okkar eru skapandi.

EHG

18. mars

Hópaskipting þemavikunnar í unglingadeildinni er eftirfarandi :

1.       Hugsjónastarf Rauða krossins

2.       Börn og stríð

3.       Hjálparstarf Lindaskóla

4.       Þróunarlönd

5.       Hvað gerir Rauði krossinn á Íslandi?

6.       Alþjóðlegt hjálparstarf

7.       Hungursneyð

8.       Fréttir í þemaviku

Nemendurnir hafa verið að vinna við verkefni sín af miklum áhuga í allan dag.

1.       Í flokknum Hugsjónastarf Rauða krossins eru nemendur að gera stór skilti með Rauða krossinum og Rauða hálfmánanum sem á svo að hengja upp í andyri skólans sem verður svo til sýnis á fjölskylduhátíðinni.

2.       Í flokknum Börn og stríð eru að gera myndbönd um hermenn og börn sem verður bjargað af sjálfboðaliðum Rauða krossins.

3.       Í flokknum Hjálparstarf Lindaskóla eru nemendur að sauma og einnig laga gömul föt fyrir fátækt fólk sem á ekki föt. Ungar stúlkur eru að prjóna sokka, trefla, buxur og bætur. Svo er fatamarkaðurinn í fullum gangi og viljum við endilega að fólk fari að kíkja á hann. Krakkarnir eru líka að undirbúa tískusýningu sem verður á fjölskylduhátíðinni á föstudaginn.

 

4.       Í flokknum þróunarlönd eru nemendur að safna upplýsingum um þróunarlöndin og undirbúa myndband.

5.       Í flokknum Hvað gerir Rauði krossinn á Íslandi ? eru nemendur að gera glærusýningar, veggspjöld um sjúkraflutninga, skyndihjálp og hjálparstarf Rauða krossins. Sumir gerðu líka könnun og fóru í Kringluna og spurðu spurninga.

 

6.       Í flokknum Alþjóðlegt hjálparstarf eru nemendur duglegir við að setja upp flóttamannabúðirnar(fánastöng, tjöld o.fl.), sumir eru að gera líkan af flóttamannabúðum. Svo eru nemendur að gera bæklinga og plaköt.

 

 

 

7.       Í flokknum Hungursneyð eru stúlkur að gera dagatal með myndum af starfi Rauða krossins og gera plaköt um hungursneyð.

8.      Nemendur í fréttum eru að taka viðtöl og taka myndir af öllu sem er verið að gerast í þemavikunni. M.a. eru þetta fréttir.

Þemað í yngri deildinni er „hafið“.

Þau eru að smíða og mála lítil skip, föndra allskonar hluti inní stofum og gera falleg listaverk um hafið.

EHG

Dugnaður og hörð vinna

Hér í Lindaskóla gengur allt vel, fólk er að vinna hörðum höndum (og fótum) við verkefnin sín þriðja daginn í þemavikunni 2009. Við fylgdumst með nokkrum hópum og tókum viðtal og myndir af þeim, okkur sýnist að mikil vinna hafi verið lögð í hvert einasta verkefni og erum viss um að nemendurnir séu ekki einir um það að vera stoltir af sjálfum sér.

-með kveðju frá Twsb
-You stay classy Lindaskóli, verið sæl.                                 
                                                                                  

Konur frá Egyptalandi

Kvenmennirnir frá Egyptalandi leyfðu okkur úr Twsb
að taka stutt viðtal við þær, þeim gengur mjög vel að falla í hópinn hér í
Lindaskóla og kynnast fullt af fólki. Seinna í vikunni munu þær koma fram á tískusýningu og gista  á tjaldbúðunum sem er verið að byggja í smíðastofu Lindaskóla.
Verkefni stúlknanna er að fara út, vera meðal almennings og taka upp nokkur myndbönd sem margir hlakka til að sjá.

Við þökkum fyrir viðtalið og lesendur.
-You stay classy Lindaskóli, verið sæl.

Kv.Twsb

Þriðjudagur 17. mars

EHG

Í dag byrjuðu nemendur að vinna í verkefnum sínum.

Sumir nemendur fóru úr skólanum til að taka viðtöl og kynnast Rauða krossinum á því sviði því sem verkefni þeirra fjallar um.

Nemendur stóðu sig vel á fyrsta degi þemavikunnar með góðri frammistöðu og krakkar eru iðnir við glærusýningar.

Margir taka þátt í hjálparstarfi Lindaskóla en þar er í gangi skiptimarkaður og fatasöfnun fyrir Rauða krossinn. Þar er allt á fullu og er kominn mikill fatnaður þangað.

Einhverjir nemendur eru farnir að setja upp flóttamannabúðir.

Tölvustofan hefur verið yfirfull í allan dag þar sem fullt af krökkum nota tölvur við verkefni sín.

Vikan 16.-20. mars

Árlega er haldin þemavika í Lindaskóla.

Þemað í unglingadeildinni í ár er „Rauði kross Íslands“.

Þemanu er skipt í flokka og þeim í undiflokka. Nemendur fengu að velja sér undirflokk við þeirra hæfi. Svo var nemendum skipt í hópa sem vinna saman alla vikuna. Kennarar ganga á milli kennslustofa og fylgjast með hvað nemendurnir eru að gera.

Vikan byrjaði á umfjöllun og kynningarmyndböndum um Rauða krossinn, einn sjálfboðaliði kom í heimsókn og hélt fyrirlestur fyrir nemendur.

EHG